Gadan an sarong 11-bulan na aki asin irido an duwang babae makalihis na badilon kan duwang dae pa nabibistong suspetsado an mag-agom sa Barangay Gregorio, San Pablo City, Laguna.
Sa imbestigasyon kan Police Regional Office Calabarzon (PRO 4A), mantang nagkakakan an mga biktima, sarong armadong lalaki an naglaog sa kusina asin tulos na nagbunot nin badil.
An testigo, sarong 37-anyos na katabang na warang aram na rason kan nangyaring pambabadil.
Nagdulag an suspek lunad kan motorsiklo na pigmamaneho kan saiyang kaiba pasiring sa direksyon kan Maharlika Highway.
Pareho sindang nakasulot nin itom na jacket asin pantalon, mantang an driver nakasulot nin itom na helmet.
Kinumpirmar kan pulis na an 11-bulan na aki tinamaan sa walang parte kan saiyang hawak asin nagadan.
An 30 anyos na paratinda nin pares tinamaan sa toong abaga asin kamot, mantang an 56 anyos na babae tinamaan sa toong bitis.
Dinara an tolo sa Laguna Provincial Hospital, alagad idineklara kan doctor na dead-on-arrival an aki.
Nagpapadagos pa an imbestigasyon asin dragnet operation kan mga kapulisan nganing madakop an mga suspetsado.
