Tinawan linaw kan Kataastaasang Hukuman na bako pa pinal an opisyal na listahan kan mga aplikante sa pagka-ombudsman.
Kun saen nagluwas nin sarong klaripikasyon an Korte Suprema mapadapit sa suboot ‘disqualification’ ni Secretary Jesus Crispin Remulla sa aplikasyon kaini sa pagka-Ombudsman.
Sa mensahe ni Atty. Camille Sue Mae Ting, tagapagtaram kan Supreme Court, saiyang sinabi na an ‘vetting process’ kan Judicial and Bar Council an dae pa napupuonan.
Nagkalat suboot an impormasyon o isyu sa online kun saen pigsasabing na-disqualified an presenteng secretary kan Department of Justice.
Segun man ki Justice Secretary Remulla, dae suboot pigsusukuan an aplikasyon sa Judicial and Bar Council nganing magtukaw bilang Ombudsman.
En kaso mapili asin dagos maidesignar an nasabing kalihim, saiyang riribayan an nagretirong si Ombudsman Samuel Martires.
Mantang saiyang babayaan an posisyon sa pagka-secretary kan Department of Justice na saiyang presenteng pinamamayuhan.
