Sarong bagong pangaki na omboy na inmabandona sa mahiwas na lanob kan sarong harong na may kanal sa Cavite an naisalbar.
Sarong lalaki an nagpirit sa saiyang hawak na mag-agi sa sarong luho sa lanob nganing maabot asin iligtas an omboy.
Segun sa mga residente, nadangog ninda an paghibi kan omboy kan Lunes kaya nagsirip sinda sa pagultanan kan duwang lanob asin nahiling ninda na huba an omboy sa kanal.
Gamit an sarong kamot, naabot kan lalaki an omboy sa ibaba dangan itinao sa mga tawong naghahalat sa luho.
Tulos na pinatos nin tela an omboy, asin dinara sa ospital.
Dai pa malinaw kun pano nakaabot an omboy sa kanal sa pagultangan kan duwang pader.
Alagad napag-araman kan barangay na sarong menor de edad sa saindang lugar an nag-aki kan omboy.
Kinumpirmar kan mga pulis an insidente asin padagos an pigkokondusir na imbestigasyon.
Nasa stable na kamugtakan an ina asin aki, na an menor de edad na ina nasa pangangataman kan mga paryentes.
