LEGAZPI CITY-Nagpaliwanag an abogado ni dating Pangulong Rodrigo Duterte na si Nicolas Kaufman kung nata pinagbawalan na makadalaw sa detention facility kan International Criminal Court (ICC) an common-law wife kan dating presidente na Honeylet Avanceña.
Sinabi kaini na an visiting rights an dai pinagdedesisyunan kan mga abogado asin nasa mga otoridad ini kan ICC.
Pignegaran man ni Kaufman na igwang pinag-olayan mapadapit sa kaso an dating Presidente.
Magigirumduman na ipigbuyagyag ni Avanceña na pinagbawalan na siyang bisitahon an saiyang dating agom makalihis suboot na magkomento ini sa kaso kan dating presidente kan nakaolay niya sa telepono si Duterte kan Hulyo 19.
Pigsisierto man ni Kaufman na pigbabantayan kan mga otoridad sa ICC an kondisiyon sa salud kan dating prsidente kan Pilipinas.
