LEGAZPI CITY-Magkakasunod na pigpapaotob kan mga kumpanya nin langis an panibagong taas presyo sa saindang mga produkto.
Ipigpapaotob ngonian na aldaw an dagdag na P1.90 sa kada litro kan gasolina.
Mantang igwang dagdag na P1.20 sa kada litro kan diesel asin P1.00 naman an itinaas sa kada litro kan kerosene.
Paliwanag ni Department of Energy Assistant Director Rodela Romero na an dahilan kan paghalangkaw, an mga sanctions na ipigpapaotob kan Estados Unidos sa mga krudo hale sa Russia asin Iran.
Paglilinaw man kaini na dai pa epektibo an nasabing paghalangkaw sa presyo sa mga lugar kung sain nakadeklara an state of calamity huli sa mga nakaaging bagyo asin habagat.
