LEGAZPI CITY-Pinakusog kan Department of Education (DEPED) an paglaban sa bullying sa mga eskwelahan.
Kasunod ini sa pagpirma ni DepEd Secretary Sonny Angara kan revised Implementing Rules and Regulation (IRR) kan Anti-Bullying Act of 2013.
Segun sa kalihim na warang lugar an bullying sa mga eskwelahan huli sa lugar dapat ini kan ngani makaukod an mga kaakian.
Nakatalaga sa revised IRR na gabos na mga public asin private schools kairiba na an mga community learning centers asin eskwelahan sa ibang nacion na nasa irarom kan DepEd, an dapat na ipaotob an Standard Anti-Bullying Policy.
An mga polisiya kinabibilangan kan school-wide prevention programs, early intervention efforts asin malinaw na sistema sa pagkapot kan reklamo.
