LEGAZPI CITY-Laoman kan Bangko Sentral ng Pilipinas (BSP) na maluway an paghiro kan inflation rate o an paghalangkaw kan presyo kan mga kalakal asin serbisyo sa nacion.
Basado sa sarong forecast, pigkakarkulong maluway nin 0.5 percent hasta 1.3 percent an inflation rate sa Pilipinas.
Naghibaba ini kumpaara sa 1.4 percent inflation rate na nairehistro kan bulan nin Hunyo sa presenteng taon.
Paliwanag kan ahensya na nahihiling rason an halangkaw na presyo kan karne asin gulayon huli sa pananalasa kan mga kalamidad, siring man an paghalangkaw kan singil sa kuryente, presyo kan mga produktong petrolyo sa bansa asin an pagtamlay kan kantidad kan piso.
Alagad, pwedisir man suboot ining ma-offset huli sa laoman na paghababa kan presyo nin bagas.
