LEGAZPI CITY-Ipighayag kan beauty queen asin TV personality na si MJ Lastimosa an saiyang pagkadismayado sa mga mambabatas na nagtao nin standing ovation sa parte kan State of the Nation Address (SONA) ni President Marcos Jr. kung sain tinatsaran kaini an korapsyon sa mga proyekto para sa flood control.
Sa saiyang post sa social media sinabi ni Lastimosa na nagsasagin-sagin an mga kongresista na dai pigtatamaan sa mga misused budget.
Dagdag pa kan aktres na dapat masupog an mga ini sa kapwa Pilipino, orog na sa mga jovenes huli sa pagkakautang kan mga nasa politiko.
Mientrastanto, katakod kaini, nagpahayag man an saro pang aktres na kaipuhan nin transparency sa paggamit kan P13.8 milyon na ayudang itinao kan Estados Unidos para sa mga biktima kan pagbaha sa Pilipinas.
