Ipigheras ni House Speaker Ferdinand Martin Romualdez na naghahanda na an Kamara de Representantes nganing magsunad nin motion for reconsideration sa desisyon kan Korte Suprema na nagdeklara kan impeachment complaint laban kay Vice President Sara Duterte.
Enot digdi, pigdeklara bilang unconstitutional kan kataas-taasang hukuman an reklamo laban sa bise presidente.
Para sa mga mahistrado, binalgar kan Kamara an one-year ban sa impeachment proceedings.
Dae suboot nasunod an due process, kaiba an karapatang madangog ni VP Sara bago ipadara sa Senado an complaint.
Mantang ibinasura an presenteng impeachment, tinawan linaw kan Korte Suprema na pwedesir magsunad liwat nin reklamo pagkatapos kan sarong taon.
Segun man ki House spokesperson Princess Abante, an pagsunad nin motion an parte kan saindang mandato nganing ipagsurog an Konstitusyonal na kapangyarihan kan Kongreso sa pagsasagibo nin impeachment.
Mientrastanto, ipigsuhestyon kan pirang lehislador, kaiba si Sen. Francis “Kiko” Pangilinan, an paggamit nin Doctrine of Operative Facts bilang argumento sa mosyon.
Obheto kaining bistohon an mga epekto kan impeachment bago ini ideklarang unconstitutional, asin engganyaron an Korte Suprema na liwat na pag-adalan an nasabing desisyon.
