Nakuwang gadan an 7 years old na babae sa laog kan banyo makalihis ikulong sa laog kan saiyang harong sa Las Piñas City.
Segun sa Bureau of Fire Protection (BFP), nadamay sa kasulo an harong asin huli ta nakakandado an kasilyas, dae nakaluwas an aki.
Aminado an magurang na pigkulong niya an aki sa saindang harong antes sinda maghale.
Segun sa mga arson investigators, suffocation an kawsa kan pagkagadan kan aki.
Pigtutubudang nagpoon an kasulo sa sarong harong na warang tawo asin posibleng konektado sa kuryente.
Labi sa 50 pamilya an apektado kan kasulo.
