LEGAZPI CITY-Gadan an 17 katawo sa Gaza kan Sabado mantang nagkukuwa nin pagkaon sa pagbukas kan Israeli Troops nin Ceasefire segun iyan sa mga medic.
Segun man sa United Nations, nasa 800 katawo man an nagadan kan nakalihis na anom na semana huli sa mahiwas na pagatake sa US-backed aid distribution system.
Basado sa mga witness sa sarong intrevista, sinabing pigbabadil an mga tawo poon sa payo asin sa lawas asin an nagkapirang mga biktima nakaptos nin puti sa Nasser Hospital.
Sinabi man kan Israeli military na an saindang troops nagbabala na mapadapit sa mga warning shots, asin dai man nin na-review na nadamay sa pagatake kaini.
An mga delegasyon hale sa Israel asin Hamas yaon sa Qatar na nagtutulod para sa sarong kasunduan na naglalaom nin pagpapalaya sa mga hostages,pagatras kan israeli troops, asin asn diskusyon ngani matapos na an gera.
