LEGAZPI CITY-Nagpatanid an United Nations mapadapit sa huma na dara kan pag-abot kan super El Niño.
Sinabi kan organisasyon na kaipuhan an tulos na aksyon ngani mag-andam sa pinakamalalang epekto kaini.
Piglalaoman na makakaeksperyensya nin pinakahalangkaw na lebel kan super El Niño sa maabot na Disyembre ngonian na taon kun sain maghahaloy ini sagkod sa pag-abot kan taong 2027 asin sa masunod pang mga taon.
“The current El Niño event could be unprecedented in strength – literally, off the monitoring charts that we have used for the past four decades,” sinabi ni World Meteorological Organization (WMO) Secretary-General Celeste Saulo.
“We are already witnessing extreme weather events and expect this to multiply and cascade as El Niño intensifies,” dagdag pa ni Saulo sa isang press conference sa Geneva.
Katakod kaini, nangapudan an organisasyon na magkasar nin mga pankinabang lakdang para sa mga estado asin milyun-milyong populasyon na ‘pinakabulnerable’ sa El Niño.
“We cannot stop El Niño, but we can prevent many of its worst human consequences,” sinabi pa ni Saulo.
Segun ki UN Undersecretary-general for Humanitarian Affairs Tom Fletcher, mas magigin mapaminsala an epekto kan El Niño sa rehiyon kan Latin America, eastern asin southern Africa, maging sa Asia kaiba an pasipiko kun sain posibleng maeksperyensyahan an hagupiy kaini sa mga mahiwasang relokasyon, paglangkaw kan presyo kan krudo, asin pampataba sa omahan, siring man an matitinding pagbawasa sa pinansiyal na tabang.
“The risk is you have tens of millions of people pushed into humanitarian need,” pagdedetalye pa ni Fletcher.
Kasunod kaini, nangapudan man si Fletcher sa mga gobierno kan gabos na nacion, magin sa sa development banks asin international financial institutions na makisumaro sa pagtabang sa paghahanda laban sa El Niño.
Mientras tanto, huring naeksperyensyahan an hagupit kan El Niño kan 2023 kun sain binansagan ining second-hottest year, mantang kapot man kan taong 2024 an all-time high record kaini.
