Preparado an Department of Education (DepEd) na makipagtabangan sa Office of the Ombudsman para sa marikas asin patas na paglutas kan kaso katakod sa suboot maanomaliyang pagbakal nin P2.4 bilyong kantidad nin outdated laptops sa katahawan kan COVID-19 pandemic.
Ini makalihis ipagsugo kan Ombudsman an pagsunad nin graft asin falsification charges laban kina dating Education Secretary Leonor Briones asin iba pang mga opisyal.
Sa sarong pahayag, kinumpirma kan ahensya na subject sa mga kaso an wara ng posisyon o anumang koneksiyon sa kagawaran.
Nakahanda man sinda na itao an gabos nin kinakaipuhan mga dokumento, impormasyon asin iba pang tabang nganing masierto na mapapasimbag an mga responsable ason maprotehiran an interes kan publiko.
Nagpuon an nasabing kaso makalihis na tuyawon kan Commission on Audit (COA) kan 2022 an pagbakal nin suboot outdated asin mahal na laptops na nagkakantidad nin sagkod P53,000 kada saro para sa mga paratukdo sa pampublikong eskwelahan sa tahaw kan pag-shift kaito sa distance learning nakalihis ipagbawal an face to face classes huli sa pandemya.
 is ready to cooperate with the Office of the Ombudsman for the fast and fair resolution of the case related to the alleged anomalous purchase of P2.4 billion worth of outdated laptops during the height of the COVID-19 pandemic.){kind=link}