LEGAZPI CITY – Ipigkomemorar kan WPS Bloc kan kongreso an ika-10 taon makalihis an desisyon kan permanent court of arbitration manungod sa ruling na nasa laog kan Exclusive Economic zone kan Pilipinas an West Philippines Sea.
Segun ki Albay 1st District Representative Congresswoman Krisel Lagman-Luistro sa intrevista kan Bombo Radyo Legazpi na anom sindang nagkokompwesto kan nasabing bloc asin bukas pa ini sa ibang miembro na makisumaro sa saindang obheto.
Saro sa mga ipigpropwesto ninda an pagsabay sa curiculum kan elementary asin highschool an importansya kan pagkakagana kan Pilipinas sa arbitral ruling nganing dae ninda malingawan an mga historikong nangyari sa nacion.
Mawot man kan opisyal asin kan naunambitang bloc na ma-imbestigaran kun may lihim na negosasyon o arrangement an nagkapirang politiko kan Pilipinas asin Gobierno kan China.
Saro pa sa mga propwesto ninda iyo an pagsasa-ley kan July 12 kan kada taon bilang National West Philippine Sea nganing iselebrar an pagkakagana kan Pilipinas kontra sa mga bako totoong claims kan China.
Sa saiya man na pagbabalik sa 20th Congress, pangapodan ni Cong. Lagman na magkasararo an mga opisyales kan gobierno na manindugan asin ipaglaban an satuyang mga direchos mapadapit sa west philippine sea.
