Kinumpirma kan Department of Justice (DOJ) an pagkakadiskubre kan sarong sako na may laog suboot nin mga tulang kan tawo.
An nasabing sako an nahiling sa katahawan kan pagpupuon kan paghahanap kan mga otoridad sa lawas kan mga nawawarang sabungero sa Taal lake.
Susog sa DOJ na sarong importanteng pagpupuon ini sa padagos na imbestigasyon sa nawawarang sabungero.
Paglinaw kan DOJ na technical site assessment sana kuta an gigibohon kan Philippine Coast Guard (PCG) kan mahiling ninda an nasabing sako.
Isasairarom an nasabing mga tulang sa pagsusuri nganing maaraman kun ini an pagsasadiri kan mga nawawarang sabungero.
Magigiromdomang ibinuyagyag ni Julie Patidongan saro sa mga akusado asin potensyal na whistleblower sa kaso na igwang labing 100 na mga biktima an ginadan asin itinapok sa Taal Lake huli sa alegasuon kan dayaan sa sabong.
Inakusaran man kaini an negosyanteng si Atong Ang asin an dating nobya kaining si Gretchen Barretto na nasa likod kan paggadan.
