LEGAZPI CITY-Uminabot na sa duwa latawo an nagadan sa pagsabog kan pagibuhan kan bala sa ciudad kan Marikina.
Kinumpirma kan Marikina City Philippine National Police, na si Police Colonel Geoffrey Fernandez, na huli sa matinding pinsala, dai na naghaloy sa ospital an duwang biktima.
Mantang an saro pa nindang kairiba nagsapo man nin pinsala sa lawas.
An mga biktima mga empleyado kan Armscor Global Defense Incorporated kung sain nagigibo nin bala an ini kan magsabog an primer na substansiya kan sa paggibo nin bala, alas 2:15 nin pagkahapon.
Makalihis an pirang oras, nagadan an duwang biltima sa Amang Rodriguez Memorial Medical Center huli sa mga lugad sa daghan hale sa nagtamang shrapnel.
Pigsierto man kan kumpanya na makikipagtabangan sinda sa isasagibong imbestigasyon kan mga kapulisan.
