Sarong lalaki an pinagsasaksak sagkod sa magadan kan saiyang stepfather huli sa sobrang ribok mantang nagkakawat nin online casino na “scatter” sa Maramag, Bukidnon.
Segun sa Maramag Municipal Police Station, nagkakawat sa luwas kan saiyang harong an biktimang si Joseph, 38 anyos, kan magsuriyaw ini.
Huli digdi, nakigkig asin nadagit an suspek na si “Felix”, 57, sa biktima hasta sa mag-iwal ini na nagresulta sa pananaksak kan suspek kay Joseph.
Nagluluwas sa imbestigasyon na haloy nang magka-iwal an duwa.
Nasa kustodiya na ngonian kan Maramag Municipal Police an suspek.
