LEGAZPI CITY-Pigpapaotob na an executive order kan bagong alkalde kan Maynila na si Mayor Francisco ‘Isko’ Moreno Domagoso an pagpoon kan implementasyon na gabos na barangay sa bilog na ciudad magsasagibo nin kanya-kaniyang paglilinig sa saindang lugar.
Obheto kan kautusan na ini na maipatupad an regular o kada semana na ‘de-clogging’ asin ‘cleanup drive’ orog na sa manlain-lain na mga estero, kanal asin agihan kan tubig sa nasambitang ciudad
.
Pigheras man ni Manila Mayor Isko an pakikipag-olay niya sa mga presidente kan kada zona kan mga barangay ngani magin matrayumpo an pagsasagibo kaini sa maabot na ika-8 nin Hulyo.
katakod kaini, pinuunan na an paglilinig sa parte kan Estero de Paco, Maynila kairib ana mga opisyal kan barangay.
Dakulang pasasalamat man kan barangay sa presenteng mayor huli sa pagpirma sa direktiba ngani maibalik an kainigan sa ciudad.
Kamawotan man suboot ni Mayor Isko na magin handa an ciudad orog na panahon kan tag-uran asin pagbabaha.
