LEGAZPI CITY-Nagkasaro an Commission on Human Rights (CHR) asin Department of Education (DepEd) ngani ipauswag an mga direchos pantawo sa mga eskwelahan.
Sinabi ni CHR Commissioner Beda A. Epres na nagkakaigwa na sinda nin pagorolay kairiba si DepEd Secretary Sonny Angara na tulos man na nagsusuporta.
An “Karapatang Pantao 101” module, ginnibo kairiba an Initiatives for Dialogue and Empowerment through Alternative Legal Services (IDEALS) asin an Catholic Educational Association of the Philippines (CEAP) na nagsisirbing rawidawit sa mga paratukdo ngani ituro an mga direchos pantawo na nagsasairarom sa K-12 curriculum.
Parte kan kasunduan an pagtatabangan kan duwang nasambitang ahensiya kung papano an nasabing module sa saindang pagtutukdo.
