Nagyugo an sarong makusog na linog na may kusog na magnitude 6.9 sa kadagatan harani sa Sarangani Island sa Davao Occidental ngonian na Sabado, Hunyo 28, 2025 bandang 7:07 nin pagkaaga.
Susog sa instrumental intensities, pinakamakusog ining namatean sa Malungon, Sarangani sa Intensity V mantang Intensity IV man sa Kiamba, Sarangani asin General Santos City.
Nairehistro man an Intensity III sa mga lugar arug kan Davao City, Davao del Sur, Davao de Oro, Misamis Oriental asin pirang banwaan sa South Cotabato.
Sa mga kataraid lugar arug kan Bukidnon, Sultan Kudarat, Surigao del Sur asin Zamboanga City an nairehistro an mas maluluyang pagyugo poon Intensity I hasta II.
May rarom ining sampulong kilometro asin pigkakarkulong offshore, kun kaya padagos na pigmomonitor an anumang posibleng aftershocks o pinsala.
