Pinasalamatan pa ni US President Donald Trump an Iran huli sa pagtatao nin abiso bago an pag-atake sa US base sa Qatar.
Sinabi kaini na pig-eenganyar niya an Iran na magkaigwa na sana nin magayon na pag-oolay ninda sa Israel.
Siring man an saiyang gigibuhon sa Israel na enganyaron ini nganing magkaigwa nin matuninong na pag-oolay.
Dagdag pa kaini na warang anumang Americans an nakulugan asin maging an mga pasilidad an dae ganong nadanyaran.
Huli sa pangyayari an gareng nakabawi na an Iran asin naglalaom ini na magkakaigwa na nin panghaluyang katuninongan.
Kasabay man kaini an pinasalamatan kan US President an Emir kan Qatar huli sa pagbubusol kan katuninongan sa rehiyon.
Tinanggal na man kan US an shelter advisory sa lugar makalihis an ginibong airstrike kan Iran sa US base sa Qatar.
