LEGAZPI CITY-Pigsierto ni President Ferdinand Marcos Jr. na sa irarom kan saiyang administrasyon, padagos siyang makikipaglaban para sa soberaniya kan nacion sa West Philippine Sea (WPS), na nagin saiyang polisiya.
Sa natatadang 3 taon kan Presidente sa pwesto, mawot niya subot na magwalat nin marka sa mga Pilipino na dai niya pinabayaan na angkupon kan ibang nacion an satuyang teritoryo.
Sinabi kan Chief Executive na dai sinda masuko. Dugang pa niya na dai sinda nagpadara asin padagos nindang pigpoprotehiran an soberaniya kan Republika. Padagos man suboot na pigdedepensahan an teritoryo kan republika.
Tinawang-duon kan Presidente na dai nakikipaglaban an Pilipinas sa isyu kan West Philippine Sea alagad kinakaipuhan na ipaglaban an satuyang direchos sa tahaw kan pagbara asin iba pang harassment na ginigibo kan Tsina kontra sa mga parasira na Pilipino.
Liwat man na tinawan ni Presidente Marcos na dai niya itatao maski sarong pulgada kan kadagatan kan Pilipinas.
Mawot man ni Presidente na magirumdoman kan mga Pilipino an paninindogan kan saiyang administrasyon sa pakikipaglaban para sa soberaniya kan nacion, orog na an isyu kan West Philippine Sea.
