Labi an kamunduan kan pamilya kan sarong taekwondo instructor makalihis ining pagtitigbason kan katrabaho sa sarong pineapple plantation sa Polomolok, South Cotabato.
Binisto an biktima na si Eduardo Abnaway, 43 anyos, na nagsapo nin kadakol na lugad sa pandok.
Sinabi ni Denmark Abnaway, aki kan biktima, na pasiring an saiyang ama sa Cannery nganing kumuwa nin cash advance.
Alagad kinaagahan kan ipinaaram sainda kan saiyang tiyuhon na dinara an saiyang ama sa punerarya huli ta ginadan ini kan katrabahong nakainuman kaini.
Sinabi ni Denmark na maboot an saiyang ama.
Alagad siya an brutal na ginadan kan suspek, na pigtutubudan nindang guminamit nin pang-chop-chop nin pinya sa paninigbas.
Sa presente an dae pa nadadakop an suspetsado.
Nangapodan an biktima sa pulisya na sumuko asin hampangon an krimen na saiyang nagibo.
