Pinatunayan kan sarong senior high school graduate hale sa Tuguegarao na bako dugo asin laman sana an kayang sumuporta asin magmoot nin tapat, kundi pati sarong atamang ayam.
Sa aldaw kan saiyang graduation, si Jamaica Cabral an warang magurang na nag-atendir.
Alagad bako siya solo kundi yaon si “Browny,” an ataman niyang ayam na silensyong nakatukaw sa taning niya, gareng proud na proud sa trayumpo kan amo.
Segun kay Jamaica, si Browny na an kaiba niya poon ba kaidto.
Urualdaw niya ining kaiba sa hirap asin ginhawa, kaya bako na man makangalas kun ngata kusa ining suminunod sa entablado kan apudon an saiyang pangaran.
Kinagiliwan kan mga paratukdo asin paradalan si Browny huli sa magalang kaining asal, rason nganing tugutan ini kan eskwelahan na makibale sa seremonya.
Imbes na makaistorbo, urog pa kaining pinaugma asin pina-ibi an kadakol sa saindang nakaaantig na kwento.
