LEGAZPI CITY- Padagos pa an pigsasagibong development kan manhamiento kan Daraga Public Market para sa mas marhay na serbisyo sa Publiko sa banwaan kan Daraga.
Sa intrevista kan Bombo Radyo Legazpi kay Themis Lobete, an Municipal Government Department Head kan Daraga Public Market, igwa nin nagkapirang mga angat na pinagkakahampang an merkado publiko arog na lang sa poblema sa tubig para sa pagsutinir kan mga paingangaipo sa lambang mga tindahan asin iba pa.
Dakula man an pasasalamat kan ahensya sa tabang na tigtatao kan Bureau of Fire Protection Daraga sa pagdidistribwir nin tubig sa merkado asin sa iba pang mga apektado kan kawaran nin tubig.
Sa presente padagos man an mga eksistibong kasuguan sa merkado para sa pagsunod asin pagmantinir kan kalinigan sa palibot kan merkado publiko.
Mientras tanto padagos man an monitoring na pinagsasagibo kan opisyal para sa mga presyuhan kan mga babarakalon sa merkado. Mantang nanutaram man an pagbaba sa presyo kan nagkapirang produkto na komun na pinagbabakal kan mga konsumedores.
Pinagasigurar man kan opisyal an siguridad na pinagtatao sa mga parabakal huli sa igwang mga nakakalat na mga personahes kan merkado asin nagkapirang enforcer para sa pagmamantinir kan katuninungan sa lugar.
