Pinunan na an paglilitis kan kaso kan sarong Philippine Air Force (PAF) General sa General Martial Court kan Armed Forces of the Philippines (AFP) kun saen nahahampang ini sa mga reklamong rape asin sexual assualt.
Sa sarong pulong balitaan sa Camp Aguinaldo, kinumpirma mismo ni AFP Spokesperson Col. Francel Margareth Padilla na nagpapadagos na an mga imbestigasyon asin nagdadalagan na man maging an mga trials mapadapit sa nasabing isyu.
Ini an katakod pa man sa magigirumdumang pagsusumite kan duwang air force personnel kan saindang mga complaints sa ofisina kan Office of Ethical Standards and Public Accountability (OESPA) mapadapit sa suboot sexual assault na ginibo sainda kan nasabing opisyal na nangyari sa Batangas.
Kasunod kaini an kumpirmado mang nagtetenir na naka-house arrest an heneral sa saiyang kampo sa Batangas mantang nag-uusad an paglilitis kan mga reklamo.
Mientrastanto, inasigurar man kan AFP na handa mang makipagtabangan an saindang kampo sa mga civillian court na ka-tandem ninda sa paglilitis.
Makikipag-koordinar asin magtatao nin kooperasyon man suboot an AFP sa mga kaipuhan asin requirements kan mga civilian courts na siyang kakaipuhanon nganing tukaron an kaso.
Naenot na digdi an pigkarkulo man kan AFP na pwedesir magdurar nin hasta anom na bulan an paglilitis kan court martial depende kun gano kahiwas asin kadakula kan kaso.
 General has begun at the General Martial Court of the Armed Forces of the Philippines (AFP) where he is facing complaints of rape and sexual assault.){kind=link}