Gadan an sarong 3-anyos na aking babae sa Sitio Narra Brgy. Nuing, Jose Abad Santos, Davao Occidental makalihis gahasaon hasta sa magadan kan sadiring tugang.
Binisto kan Jose Abad Santos PNP an biktima na si Mary, 3 anyos, mantang an suspek iyo an saiyang 17-anyos na tugang na nabisto sana sa pangarang Boyax.
Susog sa imbestigasyon kan mga otoridad, nasa impluwensya nin arak an suspek kan mag-uli ini asin nahiling na solo sana an saiyang tugang.
Segun sa pulisya, nahiling kan mga kapitbahay an biktima alagad dae ninda piglaoman na may gigibuhong maraot saiya an sadiring tugang kaini.
Pirang residente man an nakadangog kan pag-ibi kan sarong aki na gareng naghahagad nin tabang alagad kan hilingon ninda an hubo’t hubad asin gadan na an aki.
Sa parehong lugar, nadukayan an suspek na naka-underware sana asin nangiturog huli sa kabuyungan.
Tulos mang nagresponde an mga kapitbahay asin ipinaaram sa mga awtoridad an krimen hasta sa maarestar an suspek.
Sa naguno na ebidensya kan mga awtoridad, kinumpirmar kan suspek na ginahasa niya an biktima hasta sa magadan.
Wara siya sa katinuan huli ta nasa impluwensya siya kan ilegal na droga.
Nasa kustodiya na ngonian kan pulisya an suspek asin nakatalaang saunadan nin magkakanigong kaso.
