Preparado na Department of Education (DepEd) sa balik-eskwela kan labi 27 milyong estudyante ngunyan na Lunes, Hunyo 16 para sa pagpuon kan School Year 2025-2026.
Sinabi ni DepEd Assistant Secretary for Operations Jocelyn Andaya na an numero kan estudyante an bahagyang mas halangkaw kasya sa nag-enroll kan nakaaging taon.
Nakatabang suboot an early registration na nagpuon pa kan Enero nganing maaraman kan DepEd an papaabot na student population.
Mientrastanto, kinumpirmar man kan Philippine National Police (PNP) na pigkarkulong 38,000 pulis an ibubugtak ninda sa bilog na nacion nganing masierto an matoninong asin matiwasay na school opening.
Sinabi ni PNP Chief Police General Nicolas D. Torre III na mawot nindang masierto na an mga estudyante an mabalik sa eskuwelahan “without fear or harm.”
Maabot suboot sa 37,740 police personnel an ibubugtak ninda sa 45,974 eskuwelahan sa bilog na nacion, kaiba na digdi an mga pribadong eskuwelahan.
 is now ready for the return of more than 27 million students to school this Monday, June 16 for the start of the School Year 2025-2026.){kind=link}