LEGAZPI CITY—Takdag sa kamot kan mga otoridad an pigkonsiderar na Rank 4 Municipal Most Wanted Person kan Donsol, Sorsogon huli sa kasong frustrated murder.
Segun ki Donsol Municipal Police Station, Chief of Police, Police Captain Alwin Latonio, sa intrevista kan Bombo Radyo Legazpi, binisto an suspek na sarong 42-anyos, sarong paraoma, may agom, asin residente kan Barangay Vinisitahan, Donsol, Sorsogon.
Segun sa mga otoridad, posibleng nasa impluwensya nin arak an suspek asin pinagsasaksak kaini an saiyang kainuman na residente man kan naunambitang lugar.
Naarestar an suspek susog sa ipinaluwas na mandamiento de aresto kan Regional Trial Court Branch 66, Sorsogon City sa kasong frustrated murder na may pigrekomendang piyansa na P200,000.
Sa presente nasa kustodiya na kan Donsol Municipal Police Station an suspek para sa magkakanigong disposisyon.
