LEGAZPI CITY – Nakumpiska kan Philippine Drug Enforcement Agency Bicol (PDEA-V) an maabot sa 2M na kantidad nin ilegal na Droga sa ciudan kan Sorsogon.
Sa intrevista kan Bombo Radyo Legazpi kay Carlo Fernandez, tagapagtaram kan Philippine Drug Enforcement Agency Bicol (PDEA-V), nasa 300 na gramo nin pigtutubudan na ilegal na droga an nakumpiska.
An suspetsado sarong 31 anyos na shoe maker asin residente kan Barangay Arroroy, Masbate.
Sa pangengenot kan special enforcement team, nadakop an suspetsado.
Tig preparar na man an mga charges kaini bilang saro sa mga high value target na nagde-deliver asin nagpapabakal nin ilegal na droga sa buong rehiyon kan bicol.
Dae pa sigurado kun nagpositibo man ini sa droga, mantang nagbayolar ini sa Republic Act 9165 o an Anti-illegal Drugs Act Section 5-11, na iyo an ilegal possession asin pagpabakal kan ilegal na droga.
Nangangapudan man an opisyal asin an ahensiya sa mga kumunidad na ipagtao an ano man na impormasyon katakod sa mga kaso nin ilegal na droga sa saindang lugar.
 seized 2M pesos worth of illegal drugs in Sorsogon City){kind=link}