Sinierto kan Department of Agriculture na warang kakulangan sa suplay kan produktong manok sa mga merkado sa ibong kan pagpapaotob nin ban kan nasabing produkto hali sa Brazil.
Nagpaotob nin import ban sa nasabing nacion huli sa nairehistrong kaso kan Highly Pathogenic Avian Influenza o bird flu sa Montenegro, Rio Grande do Sul.
Segun sa ahensya na bako sana an Brazil an supplier kan manok sa Pilipinas asin igwa pang mapagkukuwaan nin produkto sa ibang nasyon bilang alternatibong resources.
Sa ibong kaini, posibleng sarong ‘brief supply gap’ sana an pinaglalaoman na maeeksperyensyahan sa merkado sa laog nin saro hasta duwang semana huli ta sa presente magayon suboot an poultry industry sa nacion.
Basado sa datos, puon Pebrero nasa 44.15 milyong kilograms nin manok na an naresibe na import hali sa Brazil basado sa datos kan Bureau of Animal Industry.
