LEGAZPI CITY- Aminado an grupo nin mga paratukdo na magayon na bareta an pahayag kan gobierno na pag-hire nin dugang na labi sa 16,000 na mga bagong teaching positions sa mga pampublikong eskwelahan sa nacion.
Alagad segun ki Teachers Dignity Coalition Chairman Benjo Basas na kulang pa an nasabing numero ngani na magibong nasa 1:30 an ratio kan kada klase.
Paliwanag kan opisyal na saro sa mga problema kaya nagkakaigwa nin kakulangan sa mga paratukdo iyo an dae pagtatagama nin bastanteng pondo sa sektor kan edukasyon.
Kinakaipuhan kaya suboot na magkaigwa nin pondo para sa sarong teaching position ngani na matagamana nin pondo an sahod asin benepisyo kaini.
Sa presente, aminado an opisyal na dakula an kakulangan sa pondo para sa hiring kan dugang na mga paratukdo sa nacion.
Mientras tanto, sinabi pa ni Basas na taun-taon na dakol an mga nakakapagtapos asin nakakapasar sa licensure examination alagad dae naa-absorb huli sa dae nareresolberan na mga problema sa laog kan sektor kan edukasyon.
