Pinagtataga hasta sa magadan an sarong binatilyo sa Barangay Agamman, Proper, Baggao, Cagayan huli sa haloy na suboot na alitan mapadapit sa panghahabon nin puso kan batag.
Segun sa Baggao Municipal Police Station, an suspek iyo an sarong 35-anyos na lalaki na kapwa residente sa Barangay Alba.
Sa imbestigasyon, nag-ugat suboot an paninigbas kan suspek sa 16-anyos na biktima huli sa haloy na nindang alitan sa hinala kan suspek na panghahabon kan biktima sa puso kan batag na kagsadiri kan suspek na rason nganing kulugan kaini an biktima.
Kinasuhan suboot kan mga magurang kan biktima an suspek nin physical injury, an suspechado na nakamati nin kulog nin boot huli ta siya an hinabonan, iyo pa suboot an sinangatan.
Nangyari an paninigbas kan magkasabatan an duwa sa Agamman Proper, kun saen sakay an biktima nin motorsiklo mantang kolong-kolong man an suspek.
Huli suboot sa kinikimkim na dagit kan suspek, hinabol niya an biktima gamit an sarong matarom na bagay.
Tulos man na ipinagtaong-aram ini kan mga bystanders sa lugar na tulos man na rumesponde an mga pulis.
Nadatnan kan mga pulis an biktima na duguan asin tadtad nin tinigbasan sa saiyang hawak.
Dinara sa hospital an biktima, alagad daena siya uminabot nin buhay.
Segun sa pulisya, boluntaryo mang suminuko an suspek asin pigtuga an krimen.
Nahahampang an suspek sa kasong murder.
