Nagpakitang-gilas an Denver Nuggets sa overtime nganing daugon an Oklahoma City Thunder sa score na 113-104, sa Game 3 kan Western Conference semifinals.
Pinangenotan ni Jamal Murray an opensa kan Nuggets sa saiyang 27 puntos, mantang si Nikola Jokic an nag-ambag nin 20 points asin 16 rebounds sa ibong kan maalat na shooting.
Nagkamada man sinda Aaron Gordon nin 22 puntos asin Michael Porter Jr. na may 21 points.
Sa overtime, pina-silensyo kan Nuggets an Thunder sa paagi kan matinding depensa, kun saan 1-for-7 sana an shooting kan Oklahoma City asin may duwang turnovers.
Huli digdi, kapot na kan Denver an 2-1 na kalamangan sa saindang best of seven series.
