Padagos na nagkukusog an ribayan kan piso kontra dolyar makalihis ining magsarado sa ₱55.57 na siyang pinakahalangkaw na antas sa laog kan labi sarong taon.
Susog sa datos kan Bankers Association of the Philippines, naghalangkaw nin 27 sentimos an kantidad kan piso hale sa ₱55.84 kan Abril 30
.
Pigtuturo kan mga ekonomista an pagtaas nin remittances hale sa mga overseas Filipino workers (OFWs) bilang pangenot na rason kan pagkusog nin piso, urog na ngonian na panahon nin bakasyon asin preparasyon para sa pagpopoon kan klase.
Afuera digdi, positibo man an epekto kan mga negosasyon sa pagultangan kan mga opisyal kan Pilipinas asin Estados Unidos mapadapit sa kalakalan asin taripa.
