LEGAZPI CITY- Nasa 30 na mga employers an nakisumaro sa ikinasang job fair sa ciudad kan Legazpi kasabay kan ika-123 taon kan Labor day.
Segun ki Department of Labor and Employment Bicol Director Imelda Gatinao na nasa poco mas o menos 6,000 na trabaho an ipigtangro kasabay kan nasabing aktibidad.
Afuera digdi, igwa man na naitaong kabuhayan para sa mga biktima kan laborized violations sa Bicol.
Ini an bilang pagtataong pagbisto sa mga obrero sa nacion.
Segun pa sa opisyal na napapanahon man an paglangkaw kan minimum wage sa Bicol ngani na mas maenganyar pa an mga namamanwaan na magtenir na sana sa rehiyon.
Aminado si Gatinao na dae man pigdidisganar an overseas jobs alagad mas mawot kan ahensya na mamatean kan mga Bicolano na may bastanteng oportunidad sa rehiyon kaya dae na sinda mapipiritan na magpasiring pa sa ibang nacion o sa ibang rehiyon.
Mientras tanto, napag-araman na nasa 95% an employment rate sa Bicol na magayon na indikasyon suboot na buhay an labor force sa rehiyon.
