LEGAZPI CITY—May pagiromdom an Department of Agriculture Bicol sa mga paraooma ngani na dae sinda labing maaapektaran kan init na panahon, magin an saindang omahan asin ataman na mga hayop.
Segun ki DA Bicol Spokesperson, Love Guarin, sa intrevista kan Bombo Radyo Legazpi, na dapat mag-amay o kaya pasadong hapon na sinda magpasiring sa kabuludan magin an pagdugdog sa mga gulay asin masitas.
Ibitaran man dapat an pagpasiring sa kabuludan nin halangkaw na an aldaw ngani maibitaran an heat stroke.
Dapat man na may tultol na ventilation an mga atamang hayop, dae pagpabayaan na nakabalad ini sa aldaw, asin may inumon na tubig huli ta posible man ining ma-heat stroke.
Sa presente, wara pa man na nareresibing report an ahensya mapadapit sa mga naapektaran na agrikutulra huli kan init nin panahon.
