Ipigdoon kan kampo ni Vice President Sara Duterte na dapat respetuhon kan Quezon City Regional Trial Court ang magiging desisyon kan Korte Suprema mapadapit sa saindang isinunad na petisyon.
Segun ki Atty. Paul Lawrence Lim, abogado kan bise presidente, en kaso tawan kan Kataas-taasan Hukuman an saindang kahagadan, kinakaipuhan ining respetuhon kan nasabing hukom.
Sa petisyong isinunad kan bise presidente, saiyang hinagad sa Korte Suprema na mag-isyu ini nin Temporary Restraining Order nganing mapugulan kuta an pag-usad kan kaso asin maipawarang bisa an impormasyon isinunad kan Department of Justice.
Mantang nagsunad nin ‘Urgent Motion to Resolve’ ang akusadong bise presidente, sa presente an wara pa man liwat na resolusyon asin padagos nakabinbin sa Kataas-taasang Hukuman.
Mantang wara pang ipigluwas na desisyon ang hukuman segun ki Atty. Paul Lawrence Lim, nasa Regional Trial Court na ang desisyon kun ipapadagos an pagbasa kan sakdal sa akusado.
Nagsayuma nang iheras kan abogado an partikular na ‘grounds’ sa isinunad nindang petisyon sa Korte Suprema huli sa pigsusunod suboot na ‘sub judice rule’.
Siring man, an petisyon an obhetong kwestyunon an hurisdiksyon kan Quezon City Regional Trial Court sa pagkapot kaini kan mga kasong isinunad kontra sa bise presidente.
Naninindugan kaya kan kampo kaini na dae pa pwedesir makasuhan an akusado huli sa igwang pig-aapod na ‘limited procedural immunity’ an sarong ‘impeachable officer’.
Magigiromdomang kan Biyernes, October 9, 2026 an kinanselar muna kan Quezon City Regional Trial Court Br. 98 ang pagbasa kan sakdal ni Vice President Sara Duterte huli sa nakabinbin mosyon asin petisyon kan kampo kaini.
Nahahampang sa tulong numero nin kasong ‘grave threats’ ang bise presidente na may kinaaraman sa pagbabanta sa buhay nina Pres. Ferdinand ‘Bongbong’ Marcos Jr, first lady Liza Araneta-Marcos, asin dating House Speaker Martin Romualdez.
