Padagos na pighahanap kan Philippine National Police (PNP) an duwa pang suspek sa pagkidnap asin paggadan sa Filipino-chinese businessman na si Anson Que asin driver kaini na si Armanie Padillo.
Segun kay PRO III Director asin Spokesperson PBGen. Jean Fajardo, pighahanap na kan saindang hanay an duwa pang suspek na imbwelto man sa kidnapping case ni Que na tinuro bilang mga purong chinese nationals.
An duwang chinese nationals suboot an kinategorya bilang mga principals kan krimen asin bako sana basta may kinaaraman sa insidente.
Mientrastanto, kinumpirma man ni Fajarado na an duwang chinese nationals na ini an kaiba man mismo kan saro sa mga suspek na si David Tan Liao sa pagkidnap asin kaiba man sa harong kun saen itinago ni Liao an mga biktima bago ini warang habas na paslangon.
Sa presente an nagpapadagos an imbestigasyon kan PNP sa nasabing kaso nganing matunton an mga pinagteteniran kan mga suspek kun saen saro na digdi iyo an babaeng nagin tulay nganing imbitaran an mga biktima sa lugar na pinangyarihan kan krimen.
 is still searching for two other suspects in the kidnapping and murder of Filipino-Chinese businessman Anson Que and his driver Armanie Padillo.){kind=link}