LEGAZPI CITY—Nakumpiskar sa sarong 49-anyos na paraoma an duwang badil asin sampulong bala sa kinundusir na search warrant kan pinagsarong operatiba kan Criminal Investigation and Detection Group (CIDG) Masbate asin Cataingan Municipal Police Station sa Barangay Pawican sa banwaan kan Cataingan, Masbate.
Segun ki Cataingan MPS COP PMAJ Joven Louis Ondivilla, sa intrevista kan Bombo Radyo Legazpi, na an nakumpiskar na badil an para soboot sa personal na proteksyon kan suspetsado alagad wara ining lisensya kun kaya napiritan sindang iimplementar an search warrant para sa pagkakaarestar kaini.
An suspetsado dinara na sa CIDG para sa magkakanigong disposisyon asin posible ining mahampang sa kasong pagbalgar sa Akta Republika 10591 o Comprehensive Law on Firearms and Ammunition Act asin COMELEC Gun Ban Resolution No. 11067.
Mientrastanto, sinabi kan opisyal na padagos an saindang pagsasagibo nin COMELEC checkpoint sa nasambitang banwaan magin sa iba pang lugar kan Masbate.
 Masbate and Cataingan Municipal Police Station in Barangay Pawican in Cataingan town, Masbate.){kind=link}