LEGAZPI CITY – Nagin bagong development trend kan turismo kan Sorsogon an industriya kan MICE o an Meetings, Incentives, Conferences and Exhibitions, Events.
Segun ki Sorsogon Provincial Tourism Officer Bobby Gigantone sa intrevista kan Bombo Radyo Legazpi na saro ini sa mga product portfolio kan Department of Tourism nganing mai-promote an turismo kan saindang provincia.
Mayor na rekisitos suboot kaini an mga pasilidad asin mga venue na pwedeng gibuhan nin mga convention asin expo na igwa sa saindang lugar.
Nahihiling man ninda sa nakalihis na duwang bulan an mawot na isagibo sa Sorsogon an mga national asin regional conventions na saro sa signipikanteng parte sa pag-uswag kan saindang turismo.
Pigtaram pa kan opisyal na kadaklan sa mga nagpapasiring sa sorsogon para sa business travel an bako man suboot first time kun kaya nagtetenir na agyat sa sainda na ipalawig pa an saindang trajectory sa turismo ngonian na taon.
Makalihis an mga nagbabale sa mga conference meeting, mas pigpipili kan mga ini na magpapasyar sa saindang mga pamosong atraksyon na nagkakaigwa man nin dakulang tabang para sa industriya kan mga private sectors makalihis na padapaon kan Covid 19 pandemic.
An pagkuwa man suboot ninda kan numero asin datos nin mga tourist arrival an base sa mga nag-overnight stay kun kaya iba iba man an trend kan mga tourist arrival kan kataraid nindang provincia.
Pigtawan doon man ni Gigantone nagigin dakulang tabang man sa futuro kan saindang turismo an pig-alokar na pundo para sa tourism road infrastracture program huli ta kaipuhan na mapagayon an mga nagsususporta sa turismo arug na sana kan transportasyon.
