Naggibo nin matinding comeback an Los Angeles Lakers nganing daugon an New York Knicks sa overtime, 113-109.
Nangenot si Luka Doncic na may 32 points, 12 assists, asin 7 rebounds, mantang nag-ambag si LeBron James nin 31 points, 12 rebounds, asin 8 assists.
Sa ibong kan 10-point lead kan Knicks sa ultimong 6:57 kan 4th Quarter, nakabukod an Lakers sa paagi kan mga crucial three-pointers ninda Lebron asin Gabe Vincent, na nagtapos nin may 12 points.
Sa overtime, nagdugang si Doncic nin limang sunod na puntos, mantang si Lebron an nagsemento kan kapangganahan sa paagi kan apat na free throws sa ultimong 39 seconds.
Bago magsapo nin right ankle injury sa overtime, nangenot si Jalen Brunson para sa Knicks na may 39 points asin 10 assists.
Huli sa injury, dae syerto an saiyang pagbale sa mga masunod na kawat kan Knicks.
