Naipalaog ni OG Anunoby an two point shot sa natatadang 1.2 seconds kan kawat ngani na makumpleto kan New York Knicks an pinakadakulang comeback sa historya kan NBA Finals.
Nakabangon an Knicks hali sa 29-point deficit sa Game 4 kontra sa San Antonio Spurs, sa score na 107-106.
Kapot kan Spurs an kontrol sa enot na parte kan kawat alagad pagtungtong kan second half, an maluyang shooting kan koponan an nagin dalan sa paghabol kan New York asin makuwa an 3-1 lead.
Si Jalen Brunson an nakapagrehistro nin 36 points, kaibanan an 3-pointer sa 2:21 minuto na natatada ngani na maitao sa Knicks an enot na kalamangan sa 104-103.
Huli digdi, sarong gana na sana an kaipuhan kan Spurs ngani na makuwa an enot na kampeonato puon kan 1973.
