Napagkasunduan kan European leaders na magbilog nin Ukraine peace plan na ipi-presentar sa Estados Unidos.
Segun ki British Prime Minister Keir Starmer na pighihiling ini bilang importanteng lakdang para sa Amerika ngani na makapagtao nin seguridad sa Ukraine.
Marurumduman na makalihis an simbagan ninda Volodymyr Zelenskiy asin U.S. President Donald Trump, nagtao nin makusog na suporta an mga world leaders sa Ukrainian president asin nagpromesa na tatabangan an nasabing nacion.
Segun ki Starmer na mabilog an Britain, Ukraine, France asin iba pang mga nacion nin sarong “coalition of the willing” asin magibo nin kasunduan na ipapadara ki Trump.
Dae na pinangaranan ni Starmer an iba pang mga nacion alagad sinabing dakol an mawot na magpartisipar huli sa kamawotan na magkaigwa nin katrangkiluhan.
