LEGAZPI CITY – Pigkondusir kan Department of Trade and Industry Bicol (DTI Bicol) Consumer Protection Division an Sheriff’s Capacity Development Training sa mga staff kan saindang departamento na gikan sa anom na provincia.
Segun ki Ruben Sombon an Consumer Protection Head kan DTI Bicol sa intrevista kan Bombo Radyo Legazpi na parte kan saindang trabaho na protehiran an mga konsyumer sa paagi kan pagsagibo kan nasabing training sa saindang pag-iriba.
An mga napasa-irarom suboot sa training an makapot kan mga agrangay kan mga konsyumer asin negosyante na warang kakayanang magkuwa nin abogado siring man na mapaotob kan mga programang pigkokondukta kan departamento.
Igwa man ining kapangyarihan na i-freeze an mga bank account kan mga establisyemento hasta dae naaayos an bayadan kan mga nagbabayolar.
Pigtaram pa kan opisyal na siring man sa tunay na sheriff, gigibuhon man kaini an gabos nganing masawata an mga salang gawi pag abot sa mga produkto arug kan pagdakop kan mga tindahan na nagpaabakal nin produkto sa napaka-halangkaw na kantidad.
Napagalan sinda kan mga nakaaging taon nin huli ta saro lang an sheriff sa bilog na rehiyon kun kaya magiging dakulang tabang an mga ini pag natapos na an saindang mga training.
Piglalaoman suboot kan DTI-Bicol na maipapaotob kan mga ini an fair trade law asin dae magduwa-duwa urog na kun para man sa tama an saindang piggigibo.
Pangapodan ni Sombon sa mga konsyumer na padagos na magin vigilante sa pagbakal nin mga produkto urog na ngonian na naglalangkawan an nagkapirang mga agricultural products.
 Consumer Protection Division conducted the Sheriff's Capacity Development Training to the staff of their department from six provinces.){kind=link}