LEGAZPI CITY – (Update) Nasa irarom na kan debriefing sa ngunyan an mga miyembro kan New People’s Army (NPA) na kusang nagsurender sa mga suldados kan 2nd Infantry Battalion sa Barangay Bacolod, Milagros, Masbate.
Nasambitan na mga tubong Masbate asin mga miyembro kan kampo kan NPA sa irarom kan regional party committee kan Communist Party of the Philippines na nakakasakop sa mga banwaan kan Aroroy, Baleno, Balud, Mandaon asin Claveria.
Kaiba sa mga nagsurender sinda “Ka Aris,” “Ka Bunso,” na parehong vice squad leader; “Ka Jason;” “Ka Gina,” finance officer; asin “Ka Pogs” kun saen isinuko man kaini an M14, M16, M1 carbine, .45-caliber pistol asin .38 caliber revolver.
Matatawan nin financial assistance an mga nasabing rebel returnees sa paagi kan “Comprehensive Local Integration Program”.
