LEGAZPI CITY — Naresibe na kan 75 pamilya na nawaran nin harong makalihis an bayong Nina sa Catanduanes an housing units hale sa national government.
An housing units an pinondohan kan gobierno asin pinamayuhan kan Technical Education Skills Development Authority (TESDA) sa pakikipagtabangan sa provincial government asin lokal na gobierno kan Virac.
Obheto kan proyekto na matabangan an mga residente kan Relocation Site na maitugdok liwat an saindang mga harong sa paagi kan Training-Cum-Production (TCP) project.
Inasegurar man ni Catanduanes Governor Joseph Cua sa publiko an suporta sa kada proyekto na mabenepisyo an mga informal settlers.
Liwat man na inutro kan gobernador an improtansya kan bagong scheme kan TESDA na obhetong makarahay an skills kan saindang trainees ngani makakua nin trabaho na makakatabang sa sainda.
