Gadan an 71 katawo, mantang 289 iba pa an nalugadan sa inilunsar na airstrike kan Israel sa sarong humanitarian zone sa Gaza.
Segun sa Gaza health ministry, nabulabog an mga Palestinians kan makusog na pagsabog sa humanitarian zone na lugat kung sain nagtitinir an mga sibilyan na nagdudulag sa nangyayaring gera.
Tinamaan na palan ini kan saro sa mga airstrike kan fighter jet kan Israel.
Sa kusog kan pagsabog, tulos na binawian nin buhay an mga biktima harani sa sentro kan airstrike mantang kadakol an mga nalugadan.
Natumba an mga tent asin nawasak an mga pagtaraid na establishimento huli sa matinding impact.
Sunod-sunod man na nag-abot sa lugar an mga ambulansya na nagdara sa mga biktima sa Nasser hospital, alagad nagkapira kaini nasa kritikal pang kondisyon.
Mientras tanto, nagpaluwas na nin mensahe an Israel Defense Force na nagsasabing target suboot sa pag-atake an military chief kan Hamas na si Mohammed Deif asin commander na si Rafa Salama.
Dae pa man maaraman sa ngunyan kung kaiba si Deif asin Salama sa mga nagadan o nalugadan sa nasabing pag-atake.
