LEGAZPI CITY-Uminabot na sa pito an numero kan mga nagadan, pito pa an nairido asin saro an nawawara makalihis an pananalasa kan bagyong Basyang sa Northern Mindanao.
Segun sa Office of the Civil Defense (OCD) Region 10, apat na katawo an kumpirmadong gadan huli sa pagrasay kan daga sa Barangay Agusan, sa Cagayan de Oro City.
Duwang indibidwal man hale sa Cagayan de Oro, tulo sa Gingoog City, asin duwa sa Iligan City an nairido huli sa bagyo.
Mientrastanto saro an nai-report na nawawara sa Tagoloan, Lanao del Norte.
Sa kabilugan, labi sa 40,000 pamilya an naapektaran kan bagyo sa Northern Mindanao.
Nagpaabot naman nin food asin non-food items hale sa Department of Social Welfare and Development (DSWD).
