Nag-abot sa haros 650,000 an mga kapatid o miyembro kan Iglesia Ni Cristo (INC) an nakisumaro sa enot na aldaw nin ”Transparency for a Better Democracy” rally sa Quirino Grandstand kan Domingo, Nobyembre 16, 2025.
Susog sa Manila Disaster Risk Reduction and Management Office, pigkarkulong nasa labi 650,000 katawo an mga nag-atendir pag-abot nin alas-6 nin banggi.
Nagpoon an hiro protesta kan Domingo asin magpapadagos sagkod Miyerkules, Nobyembre 17. Sulot kan mga nagpartisipar an puting bado na may nakasurat na ”Transparency for a Better Democracy.”
Obheto kan rally na pakusogon an pangapodan para sa transparency asin masusing imbestigasyon sa suboot mga anomalya sa mga flood control project na pinondohan nin trilyong pisong pondo kan komunidad.
Ipigdoon pa kan INC an importansya kan paninindugan mapadapit sa mga likod kan iregularidad na mga proyektong pang-imprastuktura kan gobierno asin mabawi an anumang nawarang pondo sa nacion.
Segun ki INC spokesperson asin minister of the gospel Kapatid na Edwil Zabala, bukas an protesta maging sa mga bako miembro kan Iglesia.
Inanunsyar man kan opisyal na magpapadagos sinda kan matoninong na pangapodan sagkod mapanimbag an mga nasa likod kan korapsyon.
